Aktuell informasjon – villreinjakta 2024

I 2024 kan det fellast 1100 villrein i heile Reinheimen Breheimen villreinområde. 750 dyr i Reinheimen og 350 i Breheimen.

Jakta byrjar fredag 20.august og held på til og med søndag 15 .september. Nytt frå 2023 er nattjaktforbud frå og med kl. 19:00 til kl. 06:00 neste dag.

Områdeinndeling i Skjåk Almenning

Skjåk Søraust: Kart over jaktområdet på Søraust i 2024 finn du her så snart det er klart. Miljødirekoratet avslo søknaden vår om å få lov til å fortsette jakta på Lom sin grunn.

Skjåk Sørvest: På Skjåk Sørvest har vi frå 2019 avtale med Stryn kommune overgangsjakt på jaktbart område i Stryn som er tilknytt grensa til Sørvest. Kart over dette område finn du her

Skjåk Nord: Kart over jaktfelt og freda område på Nordområdet finn du her.

Overgangsavtalene mellom Skjåk Nord og Finndalen blir vidareført også i 2023. Dette gjeld fylgjande dagar: tysdag, onsdag og torsdag 29. august, 30. august og 31. augus - samt 5, 6 og 7. september. I denne perioda er kort stempla Fellesområdet Finndalen gyldig i både Skjåk- og Lesjaområde. Kort stempla Lesja-Reinheimen eller Skjåk-Reinheimen, er i same periode gyldige i Finndalsområdet.

Også ordninga med å gå inn frå eige jaktterreng og over grensa blir vidareført i 2023:

AVTALE OM OPE OG DELVIS OPE JAKTOMRÅDE I REINHEIMEN: Områda i Lesja, Vågå, Lom og Skjåkområda aust for Tora-Tverråe-Torsvatnet inngår i eit felles jaktområde i heile jaktperioda. Føresetnaden er da at jeger SKAL starte jakt frå eige jaktområde (står på jaktkortet). Dovreområda er unnateke. Unge jegerar (20 år og yngre) får jakte i heile det opne Reinheimenområdet heile jakta på eige kort!

UNNATEKE FRÅ OPE JAKTOMRÅDE : Områda i Fjord, Stranda og Rauma.

Hytter som står ope i villreinjakta er Glitterbue og Raudalsbue på område Skjåk sørvest og Storhøbue på området Skjåk nord.

Presiseringar i jegerkontrakt

• Alt nyttbart kjøtt skal takast med ut av terrenget, dvs. at ein ikkje skal la det ligge att på slakteplassen. Dette er særs viktig å merke seg.

• Alle skal registrere felte dyr i hjorteviltregisteret / SETT OG SKUTT appen

• Bruk av jaktradio skal regulerast, dvs. at ein ikkje skal bruke jaktradio til å fortelje kor det står dyr i terrenget, eller nytte jaktradio aktivt i forbindelse med jaktutøving.

• Det skal takast prøver av alle felte vaksne dyr med tanke på CWD.

Sidan det skal takast CWD-prøve av alle dyr eldre enn kalv, må vi dele ut prøvetakingsutstyr. Alle som har fått tildelt jaktkort må derfor hente ut jaktkort og prøvetakingsutstyr på kontoret vårt i Bismo. Adresse: Industrivegen 10, 2690 Skjåk.

Meir informasjon om skrantesjuke/CWD, prøvetaking og instruksjonsmateriell finn du her. 

• Kort og prøvetakingsutstyr kan hentast når vi har motteke betaling, kontrakt og kvittering/kopi av betalt jegeravgift. Det blir varsla via facebooksida vår når korta er klare til henting.

• I 2020 vart kvalitetsnormen for villrein innført. Difor skal alle slakt av kalvar vegast. Slaktevekt hjå hjortevilt er eit viktig mål på kondisjon og tilstand i bestandane. Innføringa med å vege kalvane skal bidra til å overvåke og ta vare på villreinstamma vår. Opplysningar om vekt, kjønn og fellingsdato skal leggjast inn i hjorteviltregisteret eller appen “Sett og skutt” for den enkelte jeger. Det er svært viktig at slaktevekta er faktisk slaktevekt, og ikkje anslått vekt!

• For jegerar med kalvekort: for å stimulere til uttak av små kalvar (14 kg eller lågare slaktevekt) - eige informasjonsskriv om dette finn du her.

Vi oppmodar alle om å sette seg godt inn i jegerkontrakta før jakt, samt ha all dokumentasjon med seg under jaktutøving. Kontrollkort og kjeve m/merkelapp skal returnerast kortutsender innan 24.september.

Heimeside for villreinutvalet med jaktinfo; www.villreinutvalget.no

Nummer til oppsynsleiar, tlf 45 89 99 10

God jakt!