Kunngjering av nye Bruksreglar og reviderte retningsliner for dei med bruksrett i Skjåk Almenning

Kunngjering av nye Bruksreglar

Skjåk Almenning har vedtatt nye Bruksreglar. Desse er nå godkjent av Landbruks- og matdepartementet, og trer i kraft 4 veker etter at dei er kunngjort for dei med bruksrett og eigedomsrett i Skjåk Almenning. Skjåk Almenning vil med dette kunngjere desse i tråd med Lov om Bygdealmenning §3-9. Dei nye bruksreglane vil bli sendt ut på e-post til dei vi har e-post adressa til. Om nokon ynskjer dei nye bruksreglane tilsendt i papirform, kan dei ta kontakt med oss.

Revidert informasjon og retningsliner for dei med bruksrett i Skjåk Almenning - tilskott til investering i driftsbygning

Styret i Skjåk Almenning har også revidert informasjon og retningsliner for dei med bruksrett i Skjåk Almenning. Dei nye retningslinene vart vedteke 24. mars 2021. Dei største endringane er justerte rabattsatsar på uttak av vyrke på Skjåk Trelast, og at det er innført eit nytt tilskott på inntil kr 200 000 for dei bruksberettiga som skal investere i driftsbygning tilknytt produksjon. Tilskottet må takast ut gjennom kjøp av byggevarer på Bygger`n Skjåk AS. For meir informasjon og vilkår sjå dei nye retningslinene, eller ta gjerne kontakt med oss.

Elektroniske søknadskjema

Søknadsskjema for bruksrettsytingar og gjerdetilskott er nå digitale via heimesida vår, og vi ynskjer at flest mogleg nyttar seg av denne løysinga. Eit digitalt søknadskjema for tilskott til driftsbygning er også på plass i løpet av veke 14.

Søknadsskjema, informasjon og retningsliner for dei med bruksrett i Skjåk Almenning, samt nye bruksreglar finn du under fana “Bruksrett”.