Føreforhold til fjells oppdatert 26. juli

Reinheimen nordaust i Skjåk:

I området frå Leirungsvatnet til Kvennåtjønnen er det isfrie vatn - fint å gå!

Reinheimen nord i Skjåk:

I Skarvedalen og området rundt er det nok ein del vatn som det framleis er is på, men den har starta å losne frå land - så det nærmar seg!

Torsvatnet er straks heilt isfritt, men det ligg att noko is på ein del vatn aust for Torsvatnet - men isen har stort sett losna frå land, så det er snart håp for fisking her inne også!

Storvatnet er isfritt.

DNT bruer over elva Tora i Tordalen og elva Tverråe ved Torsvatnet er lagt på og klare til bruk.

Skjåk nordvest:

Området Veltdalen og Vuludalen har isfrie vatn. Grønvatnet var det is på seinast 22. juli, men det endrar seg nok raskt håpar vi.

Hamsedalen er isfri, og Kolbeinsvatnet er også så godt som isfritt per 26. juli.

Breheimen, Skjåk Sørvest:

Isfritt i Mårådalen, og isfritt på vatn i området Grotli - Glittervatnet / Raudalen.

Breheimen, Skjåk Sør:

Isfritt på dei aller fleste vatn, kanskje med unntak av nokre få vatn innafor Slæom.