Søknad om rypejakt

Det er no mogleg å søkje rypejakt (pakkejakt med hytte) i Skjåk Almenning. Søknad gjer ein via Inatur: https://www.inatur.no/sok/smaavilttilbud?q=skj%C3%A5k&f=%5B%7B%22felt%22%3A%22type%22%2C%22sokeord%22%3A%22smaavilttilbud%22%7D%5D&ledig=false&p=0

I år legg vi opp kortsalet på ein annan måte for å ta førehald om dårleg produksjon. I fjor viste takseringa ein produksjon på 1,3 kyllingar pr. par. Det vart da likevel opna for jakt. I år kjem vi til å selje mindre kort før takseringa der ein får resultatet av produksjonen. Vi må naturlegvis gjere slike grep dersom den dårlege utviklinga held fram. Vi legg likevel ut nokre jaktpakker no med hytte. Søknadsfrist 1.mai. Også desse blir selde med førehald om at produksjonen viser at ein trygt kan opne for jakt. Dersom takseringa viser ein grei produksjon vil vi leggje ut enkeltkort for sal fortløpande.

Vi skjønar godt at dette ikkje er nokon opitmal praksis med tanke på planlegginga for hausten. Vi tenkjer likevel at oppturen blir større dersom det faktisk blir jakt, enn nedturen med at kortet blir kjøpt på førehand og jakta blir avlyst.

I Skjåk Almenning er det også ein praksis at hytteeigarar (festekunder) blir prioriterte med 1 jaktkort pr. hytte. For hytteeigarar kjem det i år på plass eit eige søknadsskjema utanom Inatur. Kvar enkelt får meir informasjon om dette i skrivet som kjem med festeavgifta.