Villreinjakta er slutt - hugs å lever inn kontrollkort og evt. kjeve innan 24. september

Siste dag i villreinjakta i Reinheimen Breheimen villreinområde var onsdag 14. september.

Vi takkar alle jegerane for i år, og håpar at dei aller fleste sit att med gode minner frå reinsjakta 2022!

Vi ynskjer å minne om at alle kontrollkort (jaktkort), også ubrukte skal tilbake til der dei kom frå, dvs. kortutsteder.

Det same gjeld kjeve for dei som har felt dyret sitt. Kjevane vil vi ha godt renska, og gjerne slik delt som i bilete under, altså ei heil kjevelengde og alle framtenner er med.

Kontrollkortet må enten leverast i postkassa utanfor kontoret eller sendast til Skjåk Almenning, Industrivegen 10 -2690 Skjåk (dette skal ikkje i kjevekassa).

Kjeve kan leggast i kjevekasse på Dønfoss camping eller i kjevekassa utanfor kontoret vårt i Bismo, eventuelt sendast i posten. NB! Vi får stadig tilsendt pakker med kjevar som ikkje akkurat luktar blomar, desse er verken vi eller postbudet særleg begeistra for… Tørk dei godt før sending, og pakk dei for all del IKKJE inn i plast, men bruk til dømes avispapir.

Frist for levering av kontrollkort og eventuell kjeve er 24. september

Ferdig renska kjeve av elgkalv