Freda rype 2022/2023

Grunna svært dårleg produksjon i år, blir rypa freda for jakt og fangst i Skjåk Almenning jaktåret 2022/2023. Vedtaket er historisk for vårt område, og gjeld både utanbygds og innanbygds. Dessverre vart det andre året på rad med svikt i produksjonen. Få og små kull gjer at vi ikkje har noko haustbart overskot å jakte på. Jaktkort som er kjøpt på førehand blir refunderte. Dei det gjeld fekk informasjon på e-post førre veke.

Treningskort for fuglhund (sal via inatur) vil difor gjelde heile almenninga hausten 2022 og vinteren 2023.

Innanbygds kan framleis løyse småviltkort som gjeld alle andre jaktbare småviltartar (inkl. orrfugl). Elles er det for alle sal av harejaktkort og smårovviltkort via inatur.

Rovviltkampanjen går som i fjor med registrering av artar på kontoret vårt i Bismo.