Hugseliste etter du har skote dyr

Når du har skote dyret ditt er det nokre ting ein må hugse på;

  • Skjer kortet med type dyr og dato.

  • Rydd slakteplassen før du reiser derifrå, og hugs at alt nyttbart kjøtt skal takast med heim. Legg du att kjøtt i fjellet for seinare transport skal dette merkast med kjøtmerkelappen.

  • Alle skal ta CWD prøver av dyr eldre enn kalv.

  • Registrer data om felt dyr i “sett og skutt” så snart som råd (merk at ein må laste ned appen på nytt frå i år, meir info og lenker her. )

  • Alle kalvar skal vegast nøyaktig slaktevekt. Veg gjerne også andre dyr så nøyaktig som råd, vekter heng på Aursjohytta og utanfor kontoret vårt i Bismo.

  • Hugs at alle kjevar skal leverast inn, også kalv. Kjevane må merkast med kjevelappen som ein fekk utdelt, manglar denne i konvolutten så ta kontakt med oss for å få ein ny. På kjevelappen er det betre at du skriv for mange opplysningar enn for få!

  • Rensk kjeven GODT før du legg denne saman med kjevelappen i kjevekassa (kjevelappen må knytast på kjeven). Alternativt ta med kjeven heim og heng til tørk , før du leverar den her eller sender den i posten.

  • Kontrollkortet (jaktkortet) skal IKKJE i kjevekassa - men leverast enten på kontoret, i POSTkassa vår utanfor kontoret eller sendast i posten til Skjåk Almenning, Industrivegen 10 - 2690 Skjåk.

  • Manglande innlevering av kjevar og/ eller kontrollkort “premierast” med eit gebyr på kr 1000,- (jf. kontrakt).

Birgit Bilstad