Markering av den samiske nasjonaldagen

Vi gratulerer med den samiske nasjonaldagen 6.februar!

Den samiske kulturen har lang historie i Skjåk. Det er blant anna kjend at noko av dei eldste buplassane i Skjåk kan ha samisk opphav. I nyare tid har dei samiske reinsgjetarane tilført Norddalen mykje kunnskap om tamreindrift. Med dette har vi også fått innslag av samisk kultur. Bildet henta frå Gudbrandsdalsmusea viser Ellen Partapuoli (Matti) med køyrerein sist på 1920-talet. Johannes Partapuoli dreiv 300 rein frå Lappland til Lærdal i 1895. Seinare kom han til Tafjord med 300 rein som etter kvart tok i bruk beiteområda nordvest i Skjåk. Ikkje utan konflikt, men dette førte til organisering av tamreindrift også i Skjåk som held fram til 1962.